Insulae Curilenses
![](http://upload.wikimedia.org/wikipedia/commons/thumb/9/99/Kuril_islands.png/220px-Kuril_islands.png)
Insulae Curilenses[1] (Russice Курильские острова, Kuril'skie ostrova; Iaponice 千島列島, Chishima-rettō), breviter Curilae[2] (Russice Курилы, Kurily)[3], sunt viginti magnae ac plus quam triginta parvae insulae, inter Camtschatcam paeninsulam et Hoccaidonem insulam sitae, mare Ochotense et Oceanum Pacificum dividentes.
![](http://upload.wikimedia.org/wikipedia/commons/thumb/5/5a/Atlasovisland.jpg/180px-Atlasovisland.jpg)
![](http://upload.wikimedia.org/wikipedia/commons/thumb/c/c4/Onekotan-Kurile-Islands.jpg/220px-Onekotan-Kurile-Islands.jpg)
![](http://upload.wikimedia.org/wikipedia/commons/thumb/a/af/212_1264_Baklany_Shumshu.jpg/220px-212_1264_Baklany_Shumshu.jpg)
Nunc insulae Curilenses sunt pars Russiae, in eius regionem Sachalinensem inclusae. Iaponia tamen quasdam insularum Curilensium australium possessionem suam declarat.
Index insularum[recensere | fontem recensere]
Insulae Kurilenses quasi arcum longum formant; hic arcus Catena[4] Curilensis maior nominatur. In parte meridiana quasi alterius arcus initium videtur, orientem versus ab arcu principali siti; haec pars Catena Curilensis minor appellatur.
Catena Curilensis maior interdum in tres greges dividitur, borealem, medium et australem. Catenae maioris insulae principales, a septentrionibus ad meridiem enumeratae, sunt haec:
Curilae Boreales[recensere | fontem recensere]
Curilae Mediae[recensere | fontem recensere]
Curilae Australes[recensere | fontem recensere]
Catenae Curilensis minoris insulae maximae sunt Shikotan[13] et Insula Viridis.
![](http://upload.wikimedia.org/wikipedia/commons/thumb/b/b7/Russian_Empire_1745_%28Map_XIX_HQ%29.jpg/220px-Russian_Empire_1745_%28Map_XIX_HQ%29.jpg)
Freta Curilensia[recensere | fontem recensere]
Multa freta inter insulas mare Ochotense et oceanum coniungunt. Fretum Kunashiricum[14] archipelagum a meridie ab Esonia separat. A Kamtschatka a septentrione fretum Curilense primum insulam Shumshu dividit. Fretum Curilense alterum inter Shumshu et Paramushir patet. Fretum Krusenstern latissiumum Curilas Boreales a Curilis Mediis separat, fretum Urup Curilas Medias ab Australibus.
Res geographicae[recensere | fontem recensere]
Curilae pars circuli ignis Pacifici sunt; montes igniferi 68 in archipelago siti sunt, quorum 36 non exstincti. Mons ignifer altissimus est Alaid in insula Atlasovii, 2339 m altitudinis (circa 3000 m a fundo maris Ochotensis). Megacymata saepe in insulas invadunt. Aquae cadentes de montibus ruunt, quarum altissimae sunt Elias Muromensis in Iturup insula.
Incolae[recensere | fontem recensere]
Quattuor insulae solae incolas perpetuo habent; haec sunt Paramushir, Iturup, Kunashir et Shikotan. Duae urbes archipelagi sunt (Urbs Curilensis Borealis, Severo-Kuril'sk, in insula Paramushir et Urbs Curilensis, Kuril'sk, in Iturup), una colonia urbana (Urbs Curilensis Australis, Iužno-Kuril'sk, in Kunashir) et 16 vici.
Notae[recensere | fontem recensere]
- ↑ Ioannis Friderici de Brandt(de) Ergänzungen und Berichtungen zur Naturgeschischte der Familie der Alciden, in: Bulletin de l'Académie impériale des sciences de St.-Pétersbourg, vol. XIV, 1870, p. 489; seu Kurilenses, — Tōkyō Teikoku Daigaku Rika Daigaku kiyō, tomus 43, pp. 26, 51; Norae Zabinkovae et Moysis Kirpicznikov Nomina physico-geographica principalia URSS s.v. Курильские о-ва.
- ↑ Pallasii Zoographia rosso-asiatica, p. 60; vel Curiles, — Linnaea, tomus 6, p. 530.
- ↑ Nomen Ainuanae originis, de kur, homo.
- ↑ Russice гряда.
- ↑ Cf. binomina Carya atlasovii, Astragalus atlasovii.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Шумшу.
- ↑ Ibidem, s.v. Парамушир.
- ↑ Ibidem, s.v. Онекотан.
- ↑ Ibidem, s.v. Симушир.
- ↑ Ibidem, s.v. Уруп.
- ↑ Ibidem, s.v. Итуруп.
- ↑ Ibidem, s.v. Кунашир.
- ↑ Ibidem, s.v. Шикотан.
- ↑ Ibidem, s.v. Кунаширский пролив.
Nexus externi[recensere | fontem recensere]
![]() |
Vicimedia Communia plura habent quae ad insulas Curilenses spectant. |
![]() |
Situs geographici et historici: Locus: 47°0′0″N 152°6′0″E • OpenStreetMap • GeoNames • Store norske Lexikon • Treccani |